Om Pacham

Pacham er eit forsøk på å leike med sjangrar, og serien er eksperimentell i alle betydningar av ordet. Den harselerer med all verdas superheltfilmar. Den harselerer med tendensen til å lage dårlege filmar om videospelfigurar. Resultatet er at vi får historia om ein figur som dei fleste kjenner frå videospelverda (som av varemerkeårsakar skal få lov til å vera anonym), men langt mørkare enn videospelautomatar på åttitalet nokon gong var, med full originhistorie og heile pakka. Eg eksperimenterer òg med andre ting, som bruken av fargar og kva ein kan gjera i ein teikneserie eller ikkje (serien inneheld både sterke dødsfall og kraftig kontinuitet i langt større grad enn ein vanlegvis finner i humorseriar).

Det går an å kalle Pacham ein humoristisk drama-/action-/sci-fi-/superheltteikneserie. Det går òg an å kalle det ein parodi. Litt opp til auget som ser, eigentleg.

Uavhengig av kva ein kaller serien, er Pacham eit prosjekt eg er veldig fornøgd med, og eg kjem til å leggja ut nye halvsider kvar sundag heilt til serien er avslutta.

Pacham var mitt bidrag til teikneseriekonkurransen i VG, der den saman med 200 andre seriar kom på delt sisteplass.

Gå tilbake til Pacham